Пад расейскім Варонежам сышоў з рэек грузавы цягнік
- 15.07.2024, 9:24
У РФ заявілі аб «украінскіх дыверсантах».
Грузавы цягнік сышоў з рэек на станцыі Ліскі ў Варонежскай вобласці, паведамляецца ў Telegam-канале Паўднёва-Усходняй чыгункі ў нядзелю, 14 ліпеня. Для каардынацыі ліквідацыі наступстваў здарэння на паўднёва-ўсходняй чыгунцы быў створаны аператыўны штаб.
Між тым Telegam-канал Baza удакладняе, што гаворка ідзе аб цягніку з 69 вагонамі, які рухаўся ў Батайск. З рэек сышлі дзевяць вагонаў са збожжам, гаворыцца ў пасце. Паводле інфармацыі журналістаў, інцыдэнт адбыўся з тэхнічнай прычыны - не спрацаваў стрэлачны перавод.
Аднак расейскія Telegram-каналы вылучаюць версію аб "ўкраінскіх дыверсантах".