У Віцебску вецер раскідаў намёты «Славянскага кірмашу» проста ў цэнтры горада

• 13.07.2024, 14:45

Гомелю таксама дасталася ад стыхіі.

У Віцебску, дзе праходзіць «Славянскі базар», непагадзь 12 ліпеня спыніла святкаванне на некаторы час. Моцны вецер, які некаторыя відавочцы нават назвалі «ўраганам», раскідаў устаноўленыя тэнты і палаткі, піша Telegraf.news.

Зрэшты, дасталася і іншым беларускім гарадам. У Гомелі на машыну адной з жыхарак горада ўпала дрэва.

«Самае крыўднае, што я ўжо бегла перапаркаваць», – напісала жанчына. Мусіць, усё ж не крыўдна. Калі б паспела сесці ў аўтамабіль, усё магло скончыцца значна горш.

А выглядала непагадзь у Гомелі так:

У Барысаве ж ратаваць кіроўцу ў машыне, якая трапіла ў водную пастку, давялося інспектарам ДАІ.

Дарэчы, паводле звестак Белгідрамета і МНС, у Беларусі ў наступную нядзелю навальніцы варта чакаць амаль па ўсёй Беларусі. І гэта пры тым, што ў дзённыя гадзіны 14 ліпеня па паўднёва-ўсходняй палове максімальная тэмпература паветра дасягне +30… +34, месцамі па Гомельскай вобласці +35… +36.