Шыкоўны ўсюдыход: Прапанаваны незвычайны «Гелендваген» для бездарожжа
- 13.07.2024, 10:04
Магутнасць яго рухавіка павялічылі да 850 сілаў.
Mercedes-Benz G-Class атрымаў шыкоўную версію для цяжкай бездаражы. Стварылі яе ў нямецкім атэлье Mansory, якое часта выконвае экстрэмальны цюнінг «Гелендвагена». Фота і падрабязнасці аўто з'явіліся на ягонай старонцы ў Instagram.
За аснову ўзялі агрэсіўны Mercedes-AMG G63 4×4². Ён атрымаў новыя карбонавыя бамперы, капот і краты радыятара. На даху ўсталявалі дадатковую оптыку і спойлер. Таксама з'явіліся высоўныя падножкі і 22-цалевыя дыскі FD.15.
Але самая цікавая дэталь Mercedes G-Class Mansory ягоныя заднія дзверы. Яны адчыняюцца супраць руху, як у Rolls-Royce.
Салон Mercedes-AMG G63 4×4² упрыгожылі замшай і карбонам, якія разведзеныя ярка-аранжавымі ўстаўкамі. Кнопку запуску рухавіка перанеслі на столь.
Цюнінг «Гелендвагена» падвысіў аддачу 4,0-літровага V8 твін-турба да 850 к.с. і 1000 Н∙м. Сярэдні выдатак паліва складае 13,6 л/100 км.
Вядома, Mercedes-AMG G63 4×4² захаваў пазадарожныя шыны і фірмовыя партальныя масты. Кліранс пазадарожніка складае 350 мм. Поўны прывад дапоўнены паніжальнай перадачай і блакіроўкамі дыферэнцыялаў.