«Ралан Гарос»: Расейскі тэнісіст зладзіў істэрыку на корце

• 31.05.2024, 19:06

І вылецеў з турніру.

Шостая ракетка свету Андрэй Рублёў нечакана саступіў італійцу Матэа Арнальдзі ў трэцім коле Адкрытага чэмпіянату Францыі-2024, піша New Voice.

Нейтральны расеец не здолеў перамагчы ў аніводным сэце супраць 35-га нумара сусветнага рэйтынгу — 6:7, 2:6, 4:6.

Падчас матчу Рублёў неаднаразова ладзіў істэрыкі праз сваю гульню. Расеец біў сябе ракеткай па каленях, некалькі разоў ударыў нагой лаўку і ўвесь час лаяўся і крычаў.

Таксама Рублёў доўга спрачаўся з суддзёй праз спрэчны аўт у адным з розыгрышаў.