«Удзельнікі гэтых злачынстваў панясуць пакаранне»

• 29.05.2024, 10:46

Як узаемадзейнічаюць памежнікі дзвюх дыктатур.

28 траўня пагранічнікі Беларусі і Расеі па савецкай традыцыі святкуюць сваё прафесійнае свята. Кіраўнік расейскай памежнай службы і першы намеснік кіраўніка ФСБ Уладзімір Кулішоў заявіў, што «ўзаемадзеянне з беларускімі калегамі ажыццяўляецца на высокім узроўні». І службы рэжымаў сістэмна абменьваюцца «новымі падыходамі» ў ахове дзяржаўнай мяжы. Чытач сайта Charter97.org выказаў меркаванне, у чым можа палягаць іх супольная праца:

- Хутчэй за ўсё, лукашэнкаўскія памежнікі навучаюць расейскіх калегаў тэрарызаваць суседзяў з ЕЗ мігрантамі. Іх кіраўнік Канстанцін Моластаў (дарэчы, ураджэнец Саратаўскай вобласці) да павышэння ўзначальваў Гарадзенскую пагранічную групу і актыўна ўдзельнічаў у мігранцкім крызісе. А рашысцкія памежнікі навучаюць лукашэнкаўскіх калегаў «фільтрацыйным» мерапрыемствам і выкраданню людзей, якімі яны рэгулярна займаюцца ва Украіне.

Злачынствы памежнікаў дзвюх дыктатур атрымалі заслужаную адзнаку ў свеце, і іх удзельнікі панясуць пакаранне.