Макрон заклікаў дазволіць УСУ атакаваць ваенныя аб'екты ў Расеі

• 28.05.2024, 21:17

Але ёсць нюанс.

Узброеным сілам Украіны (УСУ) трэба дазволіць наносіць удары па аб'ектах у Расеі, адкуль вядуцца абстрэлы, заявіў прэзідэнт Францыі Эмануэль Макрон.

«Мы мяркуем, што павінны дазволіць Украіне знішчаць ваенныя аб'екты на тэрыторыі Расеі, адкуль запускаюцца ракеты і вядуцца абстрэлы па тэрыторыі Украіны. Але яны не павінны мець права наносіць удары па іншых цэлях у Расеі», – сказаў ён на прэс-канферэнцыі паводле вынікаў сустрэчы з канцлерам Нямеччыны Олафам Шольцам.

На Захадзе цяпер ідзе актыўная дыскусія пра вылучэнне Украіне права біць заходняй зброяй па ваенных аб'ектах ўнутры Расеі. 22 траўня стала вядома, што з адпаведным патрабаваннем да кіраўніка Пентагона Лойда Осціна звярнулася група амерыканскіх кангрэсмэнаў. У сваім звароце заканадаўцы ўказалі, што на фоне баёў у Харкаўскай вобласці адміністрацыя Байдэна абмежавала магчымасць украінскага боку «даць адпор расейскім войскам» з дапамогай амерыканскай зброі.