«Мілан» звольніў трэнера, з якім упершыню за 11 гадоў стаў чэмпіёнам

• 24.05.2024, 20:40

Стэфана Піёлі ўзначальваў каманду апошнія пяць гадоў.

Стэфана Піёлі пакінуў пасаду галоўнага трэнера «Мілана». Пра гэта паведамляецца на сайце італьянскага клуба.

Піёлі 58 гадоў, ён узначальваў каманду з 2019 года.

У сезоне 2021/22 Піёлі прывёў «Мілан» да перамогі ў чэмпіянаце Італіі (упершыню за 11 гадоў) і быў прызнаны найлепшым трэнерам сезону ў Серыі А.

У гэтым сезоне «Мілан» заняў другое месца ў чэмпіянаце краіны, саступіўшы «Інтэру».

«Мілан» выказвае сардэчную падзяку Піёлі і ўсяму ягонаму персаналу за тое, што яны ўзначальвалі першую каманду цягам апошніх пяці гадоў, заваявалі незабыўны тытул чэмпіёна і аднавілі стабільную прысутнасць «Мілана» ў асноўных еўрапейскіх спаборніцтвах. Прафесіяналізм і чалавечнасць Стэфана зрабілі значны ўнёсак у рост каманды, увасабляючы асноўныя каштоўнасці клуба з першага дня», – гаворыцца ў паведамленні клуба.