Сталі вядомыя мэты раптоўнага візіту Пуціна ў Беларусь

• 24.05.2024, 7:56

Ён абмеркаваў іх з урадам РФ перад вылетам у Менск.

Расейскі дыктатар Уладзімір Пуцін заявіў, што плануе абмеркаваць з Аляксандрам Лукашэнкам у Менску пытанні бяспекі і другую фазу ядзерных вучэнняў РФ з удзелам беларускіх вайскоўцаў.

Пра гэта паведамляе ТАСС.

Пуцін сказаў, што перад вылетам у Менск абмеркаваў з урадам РФ усе кірункі супрацоўніцтва з Беларуссю.

Нагадаем, 21 траўня Расейская Федэрацыя пачала правядзенне першага этапу вучэнняў аб прымяненні нестратэгічнай ядзернай зброі. Вайскоўцы будуць выкарыстоўваць комплексы "Іскандэр" і ракеты "Кінжал".