Амбасада Беларусі ў Эстоніі прыпыніла працу консульскай службы

• 18.05.2024, 14:33

У чым прычына?

Амбасада Беларусі ў Эстоніі прыпыняе працу консульскай службы, паведамляецца на сайце дыппрадстаўніцтва.

"З тэхнічных прычын пасольства Рэспублікі Беларусь у Эстонскай Рэспубліцы часова прыпыняе працу консульскай службы, у тым ліку выдачу віз, дакументаў, а таксама здзяйсненне іншых консульскіх дзеянняў", — гаворыцца ў паведамленні.

Пры ўзнікненні экстраных сітуацый грамадзянам Рэспублікі Беларусь рэкамендавалі звяртацца ў найбліжэйшыя дыпламатычныя прадстаўніцтвы: у пасольства ў Фінляндыі і генеральнае консульства ў Даўгаўпілсе (Латвія).

Аб тым, калі работа дыппрадстаўніцтва будзе адноўлена, паабяцалі праінфармаваць дадаткова.