Украінскія дроны атакавалі расейскі цягнік з палівам

• 14.05.2024, 22:12

Адбыўся выбух.

Уночы ў аўторак, 14 траўня, у расейскай Валгаградскай вобласці дрон атакаваў грузавы цягнік, які перавозіў паліва ў цыстэрнах. Дзевяць вагонаў сышлі з рэек, адбыўся выбух і ўспыхнуў пажар.

Пра гэта паведамляе расейскі Telegram-канал Baza.

Адзначаецца, што цягнік сышоў з рэек "з-за ўмяшання старонніх асоб".

Аварыя адбылася а першай гадзіне ночы ля станцыі Катлубань. Telegram-канал сцвярджае, што пацярпелых нібыта няма.

Са звестак Baza, у выніку атакі БПЛА загарэліся два вагоны з палівам. Папярэдне, адна цыстэрна ўзарвалася. Пасля гэтага паліва разлілося і загарэлася трава.

Усяго з рэек сышлі дзевяць вагонаў цягніка. Цяпер пажар лакалізаваны, але цалкам яго патушыць яшчэ не ўдалося, піша Baza.