У Кіеў прыбыла двухпартыйная дэлегацыя Кангрэса ЗША

• 22.04.2024, 15:12

Кангрэсмэны заявілі аб непахіснай падтрымцы Украіны.

У панядзелак, 22 красавіка, у Кіеў прыбыла дэлегацыя Кангрэса, якая складаецца з прадстаўнікоў Рэспубліканскай і Дэмакратычнай партый. Візіт адбыўся на фоне прыняцця Кангрэсам законапраекта аб дапамозе Украіне.

Пра гэта гаворыцца ў паведамленні амбасады ЗША ва Украіне ў Х.

У ведамстве заявілі, што рады вітаць двухпартыйную дэлегацыю Кангрэса — кангрэсмэнаў Тома Кіна, Біла Кітынга, Мадлен Дын і Натаніэля Марана.

«Ваш візіт - яшчэ адзін напамін аб тым, што наша падтрымка Украіны непахісная», - гаворыцца ў паведамленні.