Двое рыбакоў наважылі выйсці на лёд Салігорскага вадасховішча

• 24.02.2024, 21:55

Іх давялося ратаваць.

На Салігорскім вадасховішчы работнікі Таварыства ратавання на вадзе выратавала двух рыбакоў, паведамляе МНС.

Сёння, 24 лютага, а 9.16 ратавальнікам паведамілі, што на вадаёме трэснуў лёд і двое рыбакоў аказаліся ў вадзе. Адзін мужчына быў у выратавальнай камізэльцы, да якой быў прымацаваны свісток, з яго дапамогай ён пачаў клікаць падмогу.

Работнікі выратавальнай станцыі Таварыства ратавання на вадзе дасталі рыбакоў і даставілі іх на бераг. Медыкі хуткай агледзелі рыбаловаў, ад шпіталізацыі тыя адмовіліся.