СМІ: Зяленскі збіраецца ў Арменію
- 23.02.2024, 21:11
Вандроўка можа адбыцца ўжо ў наступным месяцы.
Прэзідэнт Украіны Уладзімір Зяленскі хуткім часам можа скіравацца з візітам у Арменію. Пра гэта піша Factor TV са спасылкай на крыніцу.
Паводле іх звестак, дата паездкі канчаткова не пацверджаная, аднак Зяленскі можа прыехаць у Ерэван ужо ў сакавіку, цяпер ідуць перамовы пра тэрміны. Павераны ў справах Украіны ў Арменіі Валерый Лобач, адказваючы на пытанне пра наступствы вайны ва Украіне для Паўднёвага Каўказа, сказаў наступнае:
– Насамрэч цяпер можна шмат сказаць, але я пакуль нічога не магу сказаць. Праз некалькі дзён вы самі пачуеце навіну і будзеце ведаць, што адбудзецца. Са свайго боку скажу, што Украіна гатовая падтрымаць Арменію. Не раскрываючы дужак... вы ўбачыце праз некалькі дзён. У любым выпадку наша краіна зробіць усё для ўрэгулявання і стабілізацыі рэгіёну, – цытуе яго выданне.
На ўдакладняльнае пытанне, ці мае ён на ўвазе магчымы прыезд прэзідэнта Украіны, Лобач адказаў: «Магу толькі сказаць, што вясна прынясе ў Арменію шмат пазітыўных падзей».