Амбасадар ЗША ў ААН: Мы шукаем альтэрнатыўныя шляхі экспарту ўкраінскага збожжа

• 23.02.2024, 11:23

Гэта хутка прынясе вынік.

Амбасадарка ЗША ў ААН Лінда Томас-Грынфілд, адказваючы на пытанне «Польскага Радыё» аб аграрным крызісе на польска-ўкраінскай мяжы, паведаміла:

«Украінскае збожжа павінна патрапіць на міжнародны рынак. Я разумею напружанасць, якая ўзнікла на мяжы. Але я ведаю, што ААН разглядае іншыя кірункі для экспарту ўкраінскага збожжа. Спадзяюся, гэта хутка прынясе вынік».

Аб неабходнасці развязання праблемы, звязанай з прытокам збожжа з Украіны, заяўляюць афіцыйныя асобы як у Варшаве, так і ў Кіеве.