У Варонежы таямніча расстралялі ваеннага лётчыка РФ з пазыўным Бес

• 9.12.2023, 15:00

Акупант знаходзіцца ў цяжкім стане.

Таямнічае здарэнне адбылося ў расейскім горадзе Варонежы. Невядомыя расстралялі вайсковага лётчыка РФ з пазыўным «Бес». Акупант знаходзіцца ў цяжкім стане.

Пра гэта паведаміў 9 снежня вядомы расейскі Z-канал Fighterbomber, звязаны з ВКС РФ, паведамляе dialog.ua.

«Датычна расстрэлу лётчыка з пазыўным “Бес” у Варонежы, інфармацыі мала», – паведаміў ультраправы рэсурс РФ.

Ён запэўнівае, што «Бес» нібы закрываў сабой траіх дзяцей. Цяпер акупант у цяжкім стане ў лякарні.

Адзначым, што Варонеж знаходзіцца прыкладна за 200 км ад украінскіх межаў.