Заўтра ў Беларусі будуць снегапады

• 7.12.2023, 23:23

А тэмпература ўпадзе да -14.

У пятніцу, 8 снежня, у Беларусі чакаецца воблачнае з праясненнямі надвор'е, паведамляе Белгідрамет.

Уначы месцамі, а раніцай і днём на большай частцы тэрыторыі краіны пройдзе снег. Уначы і раніцай месцамі чакаюцца слабыя туман і галалёд, на асобных адрэзках дарог – галалёдзіца. Вецер будзе ўсходні ўмераны.

Тэрмометры ноччу пакажуць 5–10 марозу, пры праясненнях тэмпература паветра панізіцца да 11–14 ніжэй за нуль. Днём прагназуецца ад -3 па поўдні да -10 па поўначы Беларусі.