У Падмаскоўі ліквідаваны здраднік Украіны Ілля Ківа

• 6.12.2023, 17:47

СМІ пішуць, што гэта была спецаперацыя СБУ.

У Падмаскоўі выяўленае цела экс-дэпутата Вярхоўнай рады Украіны, здрадніка Іллі Ківы, пра гэта паведамляюць крыніцы РЕН ТБ і РІА Навіны.

«Цела, як мяркуецца, экс-дэпутата Вярхоўнай рады Ківы знойдзенае ў падмаскоўнай вёсцы Супонева Адзінцоўскага раёна», – паведамілі прапагандысты ў экстранных службах.

«РБК-Украіна» са спасылкай на свае крыніцы паведамляе, што ліквідацыя Ківы – спецаперацыя Службы бяспекі Украіны. Здрадніка застрэлілі са стралковай зброі.

Ілля Ківа – былы ўкраінскі дэпутат ад прарасейскай партыі АПЗЖ. Пасля пачатку вайны пакінуў краіну і знаходзіўся ў РФ, дзе хадзіў на прапагандысцкія шоу і падтрымліваў расейскую агрэсію.

Асуджаны ўкраінскім судом да 14 гадоў зняволення з канфіскацыяй маёмасці паводле справы аб дзяржздрадзе і замаху на тэрытарыяльную цэласнасць Украіны.