Беларус купіў ужываны матацыкл без пераафармлення і ўляпаўся ў гісторыю

• 4.12.2023, 12:13

Высветлілася, што з нумарамі байка не ўсё ў парадку.

17-гадовага жыхара аграгарадка Шклоўскага раёна на матацыкле ММВЗ спыніў экіпаж ДАІ. У інспектараў узніклі сумненні наконт нумароў на байку. Пазней здагадкі пацвердзіліся.

- Выявілі, што знакі ў рэгістрацыйным знаку сапраўды зменяліся шляхам дамалёўкі фарбай чорнага колеру. З першапачатковых чатырох лічбаў засталася толькі першая лічба, астатнія тры былі выпраўленыя, - распавялі ў Дзяржкамітэце судэкспэртыз.

17-гадовы кіроўца, які набыў матацыкл без афіцыйнага афармлення, адмаўляў сваё дачыненне да падробкі рэгістрацыйнага нумару. Следчым і міліцыянерам давялося шукаць папярэдніх уладальнікаў байка.

- Высветлілася, што ў верасні 2020 года матацыкл за 300 рублёў набыў «з рук» 46-гадовы жыхар Круглянскага раёна. Яго папярэдзілі: дакументы прыкладаліся ад іншага матацыкла. Пакупніка гэта не збянтэжыла, бо ён планаваў ездзіць толькі на рыбалку па перасечанай мясцовасці. Але на ўсялякі выпадак надумаў прывесці матацыкл у адпаведнасць з дакументамі: перафарбаваў яго ў жоўты колер і выправіў абазначэнні рэгістрацыйнага знака. Два гады матацыкл прастаяў у гаражы без справы, пакуль на яго не знайшоўся пакупнік, які, нічога не ведаючы аб падробцы нумара, купіў і перапрадаў яго трэцяму чалавеку, той, у сваю чаргу, - чацвёртаму, - пракаментавалі інцыдэнт у ДКСЭ.

За падробку рэгістрацыйнага знака на 46-гадовага жыхара Круглянскага раёна распачалі крымінальную справу паподле артыкуле 381 КК РБ. Паводле часткі першага артыкула можа пагражаць пакаранне аж да пазбаўлення волі на тэрмін да двух гадоў.