Кітайскае агенцтва расказала, пра што змаўчала прэс-служба Лукашэнкі

• 4.12.2023, 15:48

Сі Цзіньпін узняў яшчэ адну тэму на сустрэчы з беларускім дыктатарам.

Старшыня КНР Сі Цзіньпін абмяркоўваў сёння з Аляксандрам Лукашэнкам вайну ва Украіне ў час перамоў. Пра гэта паведаміла «Сіньхуа».

Варта адзначыць, што прэс-служба беларускага дыктатара не ўказала гэтую тэму сярод абмеркаваных, а толькі абмежавалася «заявамі Сі Цзіньпіна аб падтрымцы Лукашэнкі».

Адзначым, што навіна аб паездцы Лукашэнкі ў Пекін стала даволі нечаканай. Асабліва на фоне таго, што кітайскае кіраўніцтва не палічыла патрэбным запрасіць беларускага дыктатара на Форум «Пояс і Шлях». Гэты крок многія аналітыкі звязвалі з незадаволенасцю Пекіна дзеяннямі дыктатара на мяжы.