Відэафакт: Кіяўляне на самаізаляцыі праспявалі з вокнаў дома гімн

• 24.03.2020, 19:18

Жыхары сталіцы Украіны працягнулі традыцыю спеваў у сваіх дамах, распачатую ў еўрапейскіх краінах.

У адным з жылых комплексаў Кіева, людзі, якія знаходзяцца на самаізаляцыі, выканалі гімн Украіны. Адпаведнае відэа апублікаванае ў YouTube, паведамляе korrespondent.net.

У подпісу да роліка сцвярджаецца, у акцыі ўзялі ўдзел жыхары Камфорт Таўна. Такім чынам кіяўляне працягнулі традыцыю спеваў у сваіх дамах, распачатую людзьмі з еўрапейскіх краін, якія знаходзяцца на каранціне.

На кадрах бачна, што з вокнаў выглядаюць людзі і спяваюць гімн.