Лядовы палац пераабсталююць у морг

• 23.03.2020, 22:46

Ніхто такога не чакаў.

Колькасць ахвяр каранавіруса ў Гішпаніі да панядзелка дасягнула 2 182, а з 33 тысяч заражаных 2 355 чалавек знаходзяцца ў цяжкім стане, піша «Росбалт».

Кіраўнік Міністэрства аховы здароўя Сальвадор Ілья заявіў, што ва ўмовах гэтай «санітарнай вайны» усё гатэлі краіны будуць перададзеныя ў распараджэнне службаў аховы здароўя.

Кіраўніцтву гатэляў будзе паведамлена пра тое, што будынкі пераабсталююць для размяшчэння медперсаналу і шпіталізацыі пацыентаў.

Функцыянаванне гатэляў у турыстычных мэтах будзе закончанае 24 сакавіка - згодна з указам урада.

Адзін з першых шпіталяў ужо разгорнуты ў выставачным цэнтры Ifema у Мадрыдзе. Прыватныя дамы састарэлых таксама перададзеныя ў распараджэнне дзяржавы, як і прыватныя клінікі.

Са звестак гішпанскіх СМІ, целы памерлых ад каранавіруса ў Мадрыдзе будуць захоўвацца на катку ў будынку Лядовага палаца, які знаходзіцца недалёка ад выставачнага комплексу Ifema. Целы будуць дастаўляць вайскоўцы з падраздзялення ў надзвычайных сітуацыях. Толькі за апошні дзень у сталічным рэгіёне памерлі 242 чалавекі.