На 61-го чалавека павялічылася колькасць з каранавірусам у РФ

• 22.03.2020, 17:59

Большасць новых выпадкаў прыпадае на Маскву.

Колькасць афіцыйна зарэгістраваных дыягназаў каронавіруснай інфекцыі Covid-19 у Расеі за дзень павялічылася на 61 да 367, паведамляе аператыўны штаб для папярэджання распаўсюджвання віруса, піша «Нямецкая хваля».

Большасць новых выпадкаў прыпадае на Маскву - 54. Акрамя таго, па адным выпадку ў Наўгародскай, Архангельскай, Бранскай абласцях, па два выпадкі ў Удмуртыі і Кіраўскай вобласці.

Як адзначаецца ў паведамленні, усе расейцы, у якіх за апошні дзень быў дыягнаставаны Covid-19, раней наведвалі краіны, небяспечныя ў каронавіруснай інфекцыі.

- У Расейскай Федэрацыі пад медыцынскім наглядам са студзеня 2020 года знаходзілася 104 577 чалавек, на 20 сакавіка пад кантролем застаюцца 52 747 чалавек, - дадалі ў штабе.

Апошні раз звесткі аб колькасці выпадкаў Covid-19 у Расеі абнаўляліся днём раней. За дзень з 20 да 21 сакавіка дыягназ быў пастаўлены 53 грамадзянам у 18 рэгіёнах краіны.