У суботу ў Літве выяўлена яшчэ 14 выпадкаў каранавірусу
- 21.03.2020, 20:01
Агульная колькасць заражаных вырасла да 83.
У суботу ў Літве былі выяўленыя яшчэ 14 выпадкаў каранавірусу, агульная колькасць заражаных вырасла да 83, паведаміла Міністэрства аховы здароўя, піша delf.lt.
Паведамляецца, што 9 выпадкаў зафіксаваныя ў Вільні, з іх – 2 прывазныя і 6, інфармацыя пра якія высвятляецца і будзе пададзеная пазней. У Клайпедзе вызначаныя 4 прывазныя выпадкі, усе яны былі правераныя ў мабільным пункце. У Шаўляй каранавірус вызначылі ў пацыента, які вярнуўся з Мексікі праз Турцыю (ён ізаляваны дома, бо адчувае сябе добра).
12 сакавіка ў Літве памёр першы чалавек, заражаны COVID-19, гэта пажылая жанчына з Укмерге.
Першы выяўлены пацыент – жыхарка Шаўляй ачуняла.