Фотафакт: Менчукі ўводзяць народны карантын у сталіцы
- 21.03.2020, 14:30
У горадзе з'явіліся плакаты, якія заклікаюць заставацца дома.
У Менску з'явіліся плакаты, якія заклікаюць беларусаў заставацца дома, паведамляе тэлеграм-канал «Баста».
«Народны карантын - з 23 сакавіка. Застаёмся дома!», - гаворыцца ў паведамленні.
Нагадаем, што ўчора лідары беларускай апазіцыі і грамадскія дзеячы выступілі са зваротам да грамадзянаў Беларусі і заклікалі ўвесці народны карантын з 23 сакавіка да 5 красавіка.