Кіраўнік САЗ распляжыў рэцэпты Лукашэнкі ў «лячэнні» каранавіpуса

• 21.03.2020, 11:36

Генеральны дырэктар Сусветнай арганізацыі здароўя заклікаў адмовіцца ад алкаголю падчас пандэміі.

Гендырэктар Сусветнай арганізацыі здароўя (САЗ) Тэдрос Гебрэісус заклікаў людзей адмовіцца ад алкаголю і цыгарэт, каб больш эфектыўна супрацьстаяць каранавірусу новага тыпу COVID-19, паведамляе nv.ua.

«Па-першае, ежце пажыўную і здаровую ежу, якая дапаможа вашай імуннай сістэме функцыянаваць належным чынам. Па-другое, скароціце спажыванне алкаголю і пазбягайце салодкіх напояў», - заявіў Гебрэісус.

Ён таксама заклікаў адмовіцца ад палення, якое «падвышае рызыку сур'ёзных захворванняў, калі вы інфікаваныя COVID-19».

Нагадаем, што Лукашэнка раіў лячыцца ад каранавіруса яздой на трактарах, наведваннем лазні і гарэлкай.

Ва ўсім свеце зарэгістравана звыш 274 тысяч пацверджаных выпадкаў заражэння каранавірусам COVID-19, з якіх 90 тысяч вылечыліся. Ад ускладненняў, выкліканых інфекцыяй, памерлі больш за 11 тысяч пацыентаў.